„ბავშვთა სამყაროს“ ხანძრის შედეგად დაზარალებული მოვაჭრეები „ქართული ოცნების“ თბილისის მერობის კანდიდატს კახა კალაძეს ხვდებიან.
საზოგადოებრივი მაუწყებლის ინფორმაციით, როგორც შეხვედრის დაწყებამდე დაზარალებულებმა განაცხადეს, მათი მთავარი მოთხოვნა ზარალის სრული ანაზღაურებაა.
„დაზარალებულებს უკვე მერვე თვეა გვსურდა შევხვედროდით მთავრობის წევრებს, დღემდე არავინ შეგვხვედრია. ჩვენი მოთხოვნაა ქონების სრული კომპენსაცია. მომავალი მერისგან გვაინტერესებს, როგორ წავა ჩვენი საქმე. დღემდე არანაირი დახმარება არ ყოფილა. ექსპერტიზის დასკვნაა, რომ არ იყო ბავშვთა სამყაროში უსაფრთხოების ნორმები მიღებული. არის მეორე დასკვნაც, რომ ბავშვთა სამყაროში 80-90 ლიტრი საწვავი შეიტანეს და შენობა მიზანმიმართულად გადაწვეს. გვაინტერესებს, თუ შეუძლია კახა კალაძეს დაგვეხმაროს",-განაცხადა დაზარალებულმა ლევან ლოტოევმა.
