თარიღი    დრო

გამომძიებლებმა არ იციან, ინფორმაციის გაჟღერების რა ეტაპს იძიებენ - გიორგი ფანცულაია

საქართველო, თბილისი - 16:07 10.05.2017 422

„იმის სამართლებრივი უფლება ნამდვილად მაქვს, რომ არც სასამართლოს, არც გამოიძიებას, ჩვენება არ მივცე და ამ უფლებას ვიყენებ“, - განუცხადა „ჯი-ეიჩ-ენ-ს“ თბილისის პროკურატურიდან გამოსვლის შემდეგ ე.წ. ციანიდის საქმის ადვოკატმა, გიორგი ფანცულაიამ.

ის რამდენიმე საათის განმავლობაში იმყოფებოდა პროკურატურაში. გამომძიებლები  ცდილობდნენ მისგან მიეღოთ ინფორმაცია, თუ როგორ გახდა დახურულ სასამართლო პროცესებზე მიცემული ჩვენებები საჯარო.   

„გამოკითხვის პროცედურამ კონსტრუქციულ გარემოში ჩაიარა. კითხვები არც დასმულა, რადგან მათ თავიდანვე მოისმინეს ჩემი პოზიცია. როცა კითხვა იქით დავუსვი, ეს გავრცელებული ინფორმაცია რომელ პერიოდს ეხება, გამოძიების ეტაპს, თუ სასამართლო განხილვების ეტაპს, სიმართლე გითხრათ, გამომძიებელებმა პასუხი ვერ გამცეს.

მათ მკითხეს, თუ რატომ არ ვაპირებდი ჩვენების მიცემას, რაზეც ვუპასუხე, რომ სისხლის სამართლის საპროცესო კოდექსის 49-ე მუხლი ამის უფლებას პირდაპირ მაძლევს. ამ მუხლის თანახმად,  უფლება მაქვს, არც ჩემი და არც ახლო ნათესავის წინააღმდეგ არ მივცე ჩვენება.  50-ე მუხლით კი, როგორც ადვოკატს, მაქვს უფლება, ინფორმაცია, რომელიც ჩემს საადვოკატო საქმიანობასთანაა დაკავშირებული, არ გავცე. მე კი, დეკანოზის საქმეზე ინფორმაციას როგორც ადვოკატი ვფლობ.  შესაბამისად, 50-ე მუხლი თავიდან ბოლომდე მათავისუფლებს ჩვენების მციემის პასუხისმგებლობისაგან.

გამომძიებელი მეუბნებოდა, აქ შეიძლება ჩვენებაზე უარი გვითხრა, მაგრამ სასამართლოზე უარის თქმის უფლება აღარ გაქვსო. სისხლის სამართლის საპროცესო კოდექსის 49-50 მუხლი კი, ყველგან უარის თქმის უფლებას მაძლევს. მათ ეს დეტალურად განვუმარტე“, - განუცხადა „ჯი-ეიჩ-ენ-ს“ ფანცულაიამ.

შეგახსენებთ, რომ პროკურატურამ დეკანოზ გიორგი მამალაძის სისხლის სამართლის საქმის მასალების, გამოძიების მონაცემების მედიასაშუალებებით გავრცელების ფაქტზე გამოძიება 3 ოქტომბერს დაიწყო.

პროკურატურაში გამოკითხვაზე გუშინ დეკანოზის კიდევ ერთი ადვოკატი, მიხეილ რამიშვილი დაიბარეს. გამომძიებლების შეკითხვებს არც რამიშვილმა უპასუხა.  ის ჩვენებას სასამართლოში, მაგისტრი მოსამართლის თანდასწრებით მისცემს. 

 

 




sazogadoeba

ყველა სიახლის ნახვა...

komentari

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 84%
შემცირდა 13%
არ შეცვლილა 3%