ე.წ. ციანიდის საქმის ადვოკატი გიორგი ფანცულაია პროკურატურისთვის ჩვენების მიცემას არ აპირებს.
როგორც დეკანოზ გიორგი მამალაძის უფლებადამცველმა "ჯი-ეიჩ-ენს" განუცხადა, გამოკითხვის დასრულების შემდეგ გადაწყვეტს, თუ როგორ ითანამშრომლებს გამოძიებასთან.
პროკურატურამ დეკანოზ გიორგი მამალაძის სისხლის სამართლის საქმის მასალების, გამოძიების მონაცემების მედიასაშუალებებით გავრცელების ფაქტზე გამოძიება 3 ოქტომბერს დაიწყო.
„ბოლო პერიოდში სხვადასხვა მედიასაშუალებებში არაერთხელ გავრცელდა მსჯავრდებულ გიორგი მამალაძის სისხლის სამართლის საქმის მასალები. აღნიშნულთან დაკავშირებით, გამოძიების მონაცემების გახმაურების ფაქტებზე, საქართველოს სისხლის სამართლის კოდექსის 374-ე მუხლით გათვალისწინებული დანაშაულის ნიშნებით დაწყებულია გამოძიება. საქმეზე გამოძიებას აწარმოებს საქართველოს პროკურატურა“, - აღნიშნულია პროკურატურის განცხადებაში.
ცნობისთვის, დეკანოზის კიდევ ერთმა ადვოკატმა, მიხეილ რამიშვილმა გუშინ განაცხადა, რომ შეკითხვებზე პასუხს მაგისტრი მოსამართლის თანდასწრებით გასცემს.