დღეს, 17:00 საათზე ბრიტანულ-ქართული სავაჭრო პალატა (BGCC) რეგუსში (ლეონიძის ბიზნეს ცენტრი) 10 წლის იუბილეს აღნიშნავს. სპეციალურად საიუბილეო ღონისძიებისთვის თბილისში ჩამოვიდა პალატის ერთ-ერთი დამფუძნებელი და პარტნიორი ლორდ კრომველი. ღონისძიებას დაესწრებიან დიპლომატიური კორპუსის წევრები. ბრიტანელი სტუმარი, რომელიც ბრიტანეთის პარლამენტის წევრია, საქართველოში შეხვედრებს გამართავს მთავრობის მაღალ ოფიციალურ პირებთან და კერძო სექტორის წარმომადგენლებთან. ბრიტანელი პარლამენტარის თბილისში ჩამოსვლის თარიღი ემთხვევა საქართველო-ბრიტანეთის დიპლომატიური ურთიერთობის აღდგენის 25 წლის თავს.
ბრიტანულ-ქართული სავაჭრო პალატას პირველი ოფისი, რომელიც 2007 წელს ლორდ კრომველის და მაკო აბაშიძის ხელმძღვანელობით გაიხსნა, ასევე რეგუსში იყო განთავსებული, მხოლოდ ლონდონში. დღეს კი პალატა მუშაობას უკვე თბილისის რეგუსში განაგრძობს.
