იმ შემთხვევაში, თუ საპენსიო რეფორმა ჩავარდება, უკრაინის პრემიერ-მინისტრი თანამდებობას დატოვებს. ამის შესახებ ვლადიმერ გროისმანმა ტელეკომპანია 112 უკრაინისთვის მიცემულ ინტერვიუში განაცხადა.
„1 ოქტომბრიდან 5 მილიონ 620 ათასმა პენსიონერმა გაზრდილი პენსია უნდა აიღოს. ამის გარანტიას ვიძლევი. თუ ასე არ იქნება, მზად ვარ, გადავდგე,“-აღნიშნა პრემიერმა და იმედი გამოთქვა, რომ უმაღლესი რადა საპენსიო რეფორმას მხარს დაუჭერს.
