აუცილებლად მოვითხოვ იმ ჩამდები პოლიციელების დასჯას, - ამის შესახებ ელისო კილაძის შვილმა დავით ხარშილაძემ სასამართლო პროცესის დასრულების შემდეგ განაცხადა.
მისი თქმით, ძალიან სასიამოვნოა ის ფაქტი, რომ უკვე ხელისუფლებიდან წასული ჯგუფის ბინძური პროვოკაცია აღკვეთილი იქნა სასამართლოს მიერ.
"ძალიან სასიამოვნოა ის ფაქტი, რომ უკვე ხელისუფლებიდან წასული ჯგუფის ბინძური პროვოკაცია აღკვეთილი იქნა სასამართლოს მიერ და ამისთვის მადლობა სასამართლოს. ვაპირებ სამართლებრივი პროცედურების გაგრძელებას. აუცილებლად მოვითხოვ იმ ჩამდები პოლიციელების დასჯას. რა თქმა უნდა, ნებისმიერი ადამიანისთვის ცხადია, რომ დედაჩემის საქმიანობისა და "ქრონიკა+" გამო მოხდა ის რაც მოხდა", - განაცხადა ხარშილაძემ.
ცნობისთვის, "ქრონიკა პლუსის" რედაქტორის, ელისო კილაძის შვილის საქმეზე საქალაქო სასამართლომ გამამართლებელი გადაწყვეტილება გამოიტანა.
