რეჯეფ თაიფ ერდოღანმა გერმანიის ლიდერებს "თურქეთის მტრები" უწოდა. განცხადება თურქეთის პრეზიდენტმა სტამბოლში პარასკევის ლოცვის შემდეგ გააკეთა. მისი თქმით, ქრისტიან-დემოკრატებიც, სოციალ-დემოკრატებიც და მწვანეთა პარტიაც თურქეთის მტრები არიან და თურქული დიასპორის მხარდაჭერას არ იმსახურებენ. საპარლამენტო არჩევნები გერმანიაში 24 სექტემბერს გაიმართება. ხმის მიცემის უფლება ქვეყანაში მცხოვრებ მილიონამდე ეთნიკურ თურქსაც აქვს.