ისნის ბაზრობაზე, ე.წ. დაშლილების ტერიტორიაზე, სადაც მეორად ავტონაწილებს ჰყიდიან, გვიან ღამით ხანძარი გაჩნდა. როგორც „ჯი-ეიჩ-ენ-ს“ საგანგებო სიტუაციების მართვის სააგენტოში განუცხადეს, ამ მომენტისათვის ხანძარი მთლიანად ლოკალიზებულია.
„ხანძარი ლიკვიდირებულია. პრევენციის მიზნით, მთელი ღამის განმავლობაში ადგილზე რჩებოდნენ სახანძრო-სამაშველო ჯგუფები. ხანძარი გვიან ღამით, დაახლოებით, 4 საათზე გაჩნდა. ადგილზე 20-ზე მეტი სახანძრო-სამაშველო ჯგუფი, 100-ზე მეტი მეხანძრე-მაშველი იყო მობილიზებული. ხანძრის ლოკალიზება ძალიან მოკლე დროში, 40 წუთში მოხდა. დამწვარია 1 200 კვადრატული მეტრის ფართობი“, - აცხადებენ საგანგებო სიტუაციების მართვის სააგენტოში.