საქართველოს პარლამენტის იურიდიულ საკითხთა კომიტეტის თავმჯდომარის, ეკა ბესელიას განცხადებით, აქვს მოლოდინი, რომ ოპოზიციის წარმომადგენლებთან ხვალ დაგეგმილი შეხვედრა საქმიან და სამუშაო პირობებში ჩაივლის.
მისივე თქმით, კომპრომისი ნიშნავს იმას, რომ ორივე მხარე ეძებს ყველაზე მისაღებ და გონივრულ გამოსავალს.
"შეხვედრა ხვალ არის დაგეგმილი, ძალიან შეგნებულად თავს შევიკავებ წინასწარ გითხრათ რაიმე კონკრეტული ან პერსონალური განწყობა, რადგან შეხვედრის წინ იყოს შექმნილი კარგი სამუშაო გარემო გადაწყვეტილებების თუ კომპრომისების ძებნისთვის. ველოდები, რომ ეს შეხვედრა ჩაივლის საქმიან და სამუშაო პირობებში. კომპრომისი ნიშნავს იმას, რომ ორივე მხარე ეძებს ყველაზე მისაღებ და გონივრულ გამოსავალს", - განაცხადა ეკა ბესელიამ.
ცნობისთვის, "ქართული ოცნებისა" და ოპოზიციის შეხვედრა ხვალ გაიმართება.