სტამბოლში გარდაცვლილი ბუნა ხოტოველის ოჯახი საქართველოს საელჩოს მიმართავს, თურქეთის ძალოვანი უწყებიდან, გამოითხოვოს ინფორმაცია გამოძიების მიმდინარეობის შესახებ.
ამასთანავე, გარდაცვლილის ოჯახს სურს, სამართალდამცველებმა ამოიღონ შემთხვევის ადგილის მიმდებარე ტერიტორიაზე დამონტაჟებული სათვალთვალო კამერების ვიდეო ჩანაწერები.
თურქული მედიის ცნობით, სამართალდამცველები ორ ძირითად ვერსიაზე, უბედურ შემთხვევასა და თვითმკვლელობაზე საუბრობენ. ოჯახი თვითმკვლელობას გამორიცხავს და გარკვეულ საეჭვო გარემოებებზე მიუთითებს.
