„მან მითხრა, რომ ერთ კვირაში სასამართლო პროცესი გაიმართება, სადაც მას სავარაუდოდ, უდანაშაულოდ ცნობენ და გაათავისუფლებენ“, -ამის შესახებ ამერიკის შეერთებულ შტატებში დაკავებული ქართველი სპორტსმენის ავთანდილ ხურციძის დედამ, მაყვალა ხურციძემ განაცხადა.
მაყვალა ხურციძის განცხადებით, შვილის უდანაშაულობაში ეჭვი არ ეპარება და იმედოვნებს, რომ ერთ კვირაში ყველაფერი მათ სასარგებლოდ დასრულდება.
შეგახსენებთ, რომ ავთანდილ ხურციძე ნიუ იორკში დააკავეს. მას ბრალად ე.წ. შულაიას კრიმინალური სინდიკატის წევრობა ედება და გამოძიების მტკიცებით, არაერთ მძიმე დანაშაულშია მხილებული. ის ამჟამად წინასწარ პატიმრობაში იმყოფება.