აზერბაიჯანელი ჟურნალისტის, აფგან მუხტარლის ადვოკატის, არჩილ ჩოფიკაშვილის განცხადებით, პრეზიდენტს შეხვედრისას მოახსენეს საქართველოში მიმდინარე გამოძიების დეტალები, ასევე ის საქმის კურსში ჩააყენეს ევროსასამართლოში მიმდინარე განხილვასთან დაკავშირებით, რომელიც მათ მოთხოვნას შეეხება დროებითი ღონისძიების გამოყენების თაობაზე.
როგორც ჩოფიკაშვილი ამბობს, პრეზიდენტი მომავალშიც აქტიურად მიადევნებს თვალყურს აფგან მუხტარლის საქმის შემდგომ განვითარებას.
„პრეზიდენტი დაინტერესდა საკითხით და მან ძირითადი გარემოებები იცოდა საქმესთან დაკავშირებით. პრეზიდენტისგან მოვისმინეთ, რომ მომავალშიც აქტიურად მიადევნებს თვალყურს საქმის შემდგომ განვითარებას და რომ ძალიან მნიშვნელოვანია ეს საქმე როგორც კონკრეტული დაზარალებულისთვის, ისე ქვეყნის იმიჯისა და სუვერენიტეტისთვის“, - განაცხადა ჩოფიკაშვილმა.