აზერბაიჯანელი ჟურნალისტის, აფგან მუხტარლის ადვოკატის, არჩილ ჩოფიკაშვილის განცხადებით, მნიშვნელოვანია, თუ ქართველი გამომძიებლები დაკითხავენ მუხტარლის, მაგრამ ეს არავითარ შემაფერხებელ ფაქტორს არ წარმოადგენს მიმდინარე გამოძიებისთვის.
„მუხტარლისგან რამე ახალი გარემოება ვერ გახდება ცნობილი. თუ გამოძიებას დატებითი კითხვა აქვს, შეიძლება, რომ ირიბი მოწმის ჩვენებით იყოს ეს ინფორმაცია მიღებული, - განაცხადა არჩილ ჩოფიკაშვილმა.
ცნობისთვის, არჩილ ჩოფიკაშვილმა აღნიშნული კომენტარი მას შემდეგ გააკეთა, რაც მთავარმა პროკურორმა, ირაკლი შოთაძემ განაცხადა, რომ საქართველოს პროკურატურამ აზერბაიჯანს აფგან მუხტარლის დაკითხვისა და აზერბაიჯანში მიმდინარე სისხლის სამართლის საქმის მასალების გაცნობის თხოვნით მიმართა.