„პრეზიდენტი ღია იქნება დაზარალებულისგან ინფორმაციის მისაღებად და მუდმივად ჩართული იქნება აფგან მუხტარლის საქმის გამოძიების მიმდინარეობაში“, - ამისშესახებ პრეზიდენტის საპარლამენტო მდივანმა ანა დოლიძემ განაცხადა.
მისივე თქმით, პრეზიდენტი აზერბაიჯანელი ჟურნალისტის მეუღლეს დაპირდა, რომ ამ საქმის განვითარებაზე მუდმივი მონიტორინგი ექნება.
"მუხტარლის გატაცება სერიოზულ გამოწვევას წარმოადგენს ჩვენი სახელმწიფოსთვის, მისი სუვერენიტეტისთვის, დემოკრატიისთვის, რადგან ეს არის სტუმარ-მასპინძლის ქვეყანა. ძალიან მნიშვნელოვანია, რომ ყველა კითხვას, რომელიც აქვს დაზარალებულ მხარეს და ოჯახს, პასუხი გაეცეს დროულად. ეს კითხვებია - რატომ აწარმოებს გამოძიებას კვლავ შსს, რატომ არ აქვს მეუღლეს დაზარალებულის სტატუსი და ბევრი მნიშვნელოვანი ეჭვი. მნიშვნელოვანია, გამოძიებამ იმუშაოს ისე, რომ ოჯახი გამოძიების ეფექტურობაში დარწმუნდეს",- განაცხადა ანა დოლიძემ.