ამ საემიროს ჰყავს შეიხი, რომელიც თავად არის მოსამართლეც, პროკურორიც და ბრალმდებელიც, - ასე გამოეხმაურა გელა მიქაძე გაერთიანებული საამიროების სასამართლოს გადაწყვეტილებას, რომლის მიხედვითაც, „პატრიოტთა ალიანსის“ წევრს 15 წლიანი პატიმრობა მიესაჯა.
როგორც დეპუტატმა "საზოგადოებრივ მაუწყებელს" განუაცხადა, საქმის კურსში არ იყო, თუკი არაბთა გაერთიანებულ საამიროებში მის წინააღმდეგ სასამართლო საქმე მიმდინარეობდა.
„ამ საემიროს ჰყავს შეიხი, რომელიც თავად არის მოსამართლეც, პროკურორიც და ბრალმდებელიც, შესაბამისად ეს გადაწყვეტილება ერთპიროვნულად იყო გამოტანილი. სასამართლომ 7 წლის წინანდელ და ჩემთვის გაურკვეველ ამბავზე მედავება“, - განაცხადა მიქაძემ.
მისივე თქმით, ფლობდა კომპანიას, რომელიც 2010 წელს გაყიდა და ამ დრომდე ამ საკითხთან დაკავშირებით კითხვის ნიშნები არ ყოფილა.
მისივე განცხადებით, მის კონკრეტულ სამოქმედო გეგმასთან დაკავშირებით მისი ადვოკატი განცხადებას დღეს გააკეთებს.
ცნობისთვის, გაერთიანებული საემიროების სასამართლომ „პატრიოტთა ალიანსიდან“ საქართველოს პარლამენტის წევრს 15 წლიანი პატიმრობა მიუსაჯა.
საქმე ეხება კომპანია „რაკიას“. სასამართლომ ყოფილ აღმასრულებელ ხელმძღვანელობას პატიმრობა დაუსწრებლად მიუსაჯა. კომპანიის ხელმძღვანელები ხატერ მასაადი და გელა მიქაძე იყვნენ, მათ სასამართლო ფოთის პორტისა და კომპანია „რაისტარ ტრეიდს“ შორის დადებულ და შემდეგ გაუქმებულ შეთანხმებას ეხება.