თურქეთის პრემიერ-მინისტრის საქართველოში ოფიციალური ვიზიტი დასრულდა.
ბინალი ილდირიმი თბილისის შოთა რუსთაველის სახელობის საერთაშორისო აეროპორტიდან საქართველოს პრემიერ-მინისტრმა გიორგი კვირიკაშვილმა გააცილა.
ცნობისთვის, დღეს საქართველოს მთავრობის მეთაურმა, თურქ კოლეგასთან ერთად, საქართველო-თურქეთის მაღალი დონის სტრატეგიული თანამშრომლობის საბჭოს რიგით მე-2 სხდომას უხელმძღვანელა, რომლის ფარგლებშიც ხელი მოეწერა მნიშვნელოვან დოკუმენტებს ეკონომიკის, კულტურის, იუსტიციისა და კიბერუსაფრთხოების მიმართულებით.
შეგახსენებთ, თურქეთის პრემიერ-მინისტრი საქართველოს შვიდ მინისტრთან ერთად, გუშინ საღამოს ეწვია.