მანჩესტერ-არენაზე განხორციელებულ ტერაქტს რომის პაპიც ეხმაურება. ფრანცისკე პირველის საგანგებო განცხადებას ვატიკანი ავრცელებს.
„მისი უწმინდესობა შეშფოთებულია ბარბაროსული ტერორისტული აქტით, რომელიც მანჩესტერში განხორციელდა და თანაგრძნობას უცხადებს ყველა იმ ადამიანს, რომელსაც ეს შემზარავი ტრაგედია შეეხო,“-ნათქვამია განცხადებაში.
თვითმკვლელმა ტერორისტმა თავი გვიან ღამით პოპ-მომღერალ არიანა გრანდეს კონცერტზე აიფეთქა, რასაც 22 ადამიანი ემსხვერპლა, 59 კი დაშავდა.