პარლამენტში 7 აპრილს დაგეგმილი სიტყვით გამოსვლისთვის პრეზიდენტი ნებისმიერი ფორმატისთვის მზადაა.
საქართველოს პრეზიდენტის მრჩეველი პოლიტიკურ საკითხებში, ფიქრია ჩიხრაძე აღნიშნავს, რომ პრეზიდენტი პარლამენტში სიტყვით გამოსვლისას ქვეყანაში არსებულ მნიშვნელოვან საკითხებზე ისაუბრებს. პრეზიდენტის ადმინისტრაციაში დადებითად აფასებენ ასევე, პრემიერის სურვილს, მოისმინოს გიორგი მარგველაშვილის ყოველწლიური ანგარიში.
„პრეზიდენტი ცხადია, მზად არის ნებისმიერი ფორმატისთვის. ჩვენ ყოველთვის მომხრე ვართ მაქსიმალური ღიაობის, გახსნილობის, დისკუსიის, მაგრამ, ბუნებრივია, რა გადაწყვეტილებასაც მიიღებს პარლამენტი, ეს ფორმატი, ალბათ, ისე ჩატარდება,“ - განაცხადა ,,რუსთავი 2" - თან ფიქრია ჩიხრაძემ.