სერგო თეთრაძის საქმეზე ბაჩო ახალაიას სასამართლო პროცესი დაიხურა. შუამდგომლობა სხდომის დახურვის შესახებ საგამოძიებო უწყებამ დააყენა. პროკურორ მაია ჯვარშეიშვილის განმარტებით, უნდა დაკითხონ მოწმე, სამხედრო პოლიციის ყოფილი უფროსი ლევან ზაქრაძე, რომელმაც საიდუმლო მასალებზე უნდა ისაუბროს.
ადვოკატები ბრალდების მხარის შუამდგომლობას არ დაეთანხმნენ. მალხაზ ველიჯანაშვილის თქმით, ზაქრაძის ჩვენება საიდუმლო ინფორმაციას არ შეიცავს.
სასამართლო პროცესს ბაჩო ახალაია ესწრება. მასთან ერთად სერგო თეთრაძის წამების ორგანიზების საქმეზე ბრალდებულია მეგის ქარდავა და ნიკოლოზ ძიმცეიშვილი.
