ეკონომიკური პოლიტიკის ექსპერტთა ცენტრი საქართველოს მასშტაბით ატარებს სტუდენტურ ოლიმპიადას ეკონომიკაში - ,,მომავალი ეკონომისტი’’. ოლიმპიადაში მონაწილეობა შეუძლიათ საქართველოში არსებული უნივერსიტეტების ბაკალავრიატის პირველი, მეორე, მესამე და მეოთხე კურსის სტუდენტებს, მათ შორის უცხოელებს. ოლიმპიადა ჩატარდება ქართულ და ინგლისურ ენებზე.
ოლიმპიადა ჩატარდება სამ ტურად. გამარჯვებულებს გადაეცემათ ფულადი და არაფულადი პრიზები.
ოლიმპიადის გამარჯვებული მიიღებს 1 000 ლარს, მეორეადგილოსანი დაჯილდოვდება 700 ლარით, მესამეადგილოსანი - 500 ლარით, მეოთხეადგილოსანი - 400 ლარით, მეხუთეადგილოსანი - 300 ლარით. მეექვსედან მეათე ადგილის ჩათვლით გასული სტუდენტები უფასოდ გაივლიან IELTS-ს გამოცდისთვის მოსამზადებელ კურსს.
ოლიმპიადა გაიმართება ივანე ჯავახიშვილის სახელობის თბილისის სახელმწიფო უნივერსიტეტის მაღლივ კორპუსში.
ოლიმპიადაზე დარეგისტრირების ბოლო ვადაა 26 მარტი.
ოლიმპიადაზე დარეგისტრირება შესაძლებელია ვებ-გვერდზე: www.olympiad.ge ან ღონისძიების Facebook გვერდზე
https://www.facebook.com/olympiadepec/?ref=aymt_homepage_panel
