დეკანოზ გიორგი მამალაძის დაკითხვა, თუ მას ამის სურვილი ექნება დღესვე დაიწყება, -ამის შესახებ განცხადება დაკავებული დეკანოზის ადვოკატმა არჩილ ტყეშელაშვილმა გააკეთა.
მისი თქმით, დღეს მამა გიორგის გენეტიკური ნიმუშებისა და ხმის ნიმუშის აღება მოხდება, ხოლო ექსპერტიზა უკვე მოგვიანებით ჩატარდება.
„დღეს ექსპერტიზა არ ტარდება, ნიმუშების აღება მოხდება. აღებული ნიმუშები უნდა გადაიგზავნოს სრულყოფილი ექსპერტიზის ჩასატარებლად.
ბრალდებული გუშინდლამდე ჩვენების მიცემაზე უარს ამბობდა. თუ ბრალდებული გამოთქვამს სურვილს და მოგვცემს ჩვენებას, მისი დაკითხვა დღესვე მოხდება“,- განაცხადა ტყეშელაშვილმა.
რაც შეეხება საქმის დანარჩენ დეტალებს, პროკურირი გამოძიების ინტერესებიდან გამომდინარე ამ ეტაპისთვის არ საუბრობს.
”როგორც მთავარი პროკურატურის მიერ გაკეთდა განმარტებები, ამ ეტაპზე გამოძიების ინტერესებიდან გამომდინარე დეტალებზე ვერ ვისაუბრებ. თქვენ შეგიძლიათ იხელმძღვანელოთ იმ მასალებით და განმარტებებით, რომლებიც გააკეთა პროკურატურამ”, - განუცხადა ჟურნალისტებს პროკურორმა.