ისლამური სახელმწიფოს მებრძოლები მოსულის მოსახლეობას სასტიკად უსწორდებიან. საგანგაშო ინფორმაციას გაეროს ადამიანის უფლებათა დაცვის კომიტეტი აქვეყნებს. გავრცელებული ინფორმაციით, მოსულიდან 35 კილომეტრში მდებარე სოფელ ტულულში 70-მდე ცხედარი იპოვეს. ადგილობრივები ისლამისტებმა ჯერ დახვრიტეს, შემდეგ კი ცხედრები მდინარეში გადაყარეს. მოსულზე მასირებული შტურმი ერაყის არმიამ 17 ოქტომბერს დაიწყო და ისლამისტებისგან 800 კვადრატული კილომეტრის ტერიტორია გაწმინდა.
