ალეპოში ჰუმანიტარული პაუზა მხოლოდ იმ შემთხვევაში იმოქმედებს, თუ საერთაშორისო ორგანიზაციები ქალაქიდან დაჭრილებისა და მშვიდობიანი მცხოვრებლების უსაფრთხოდ გამოყვანას უზრუნველყოფენ. ამის შესახებ რუსეთის თავდაცვის სამინისტროს წარმომადგენლებმა განაცხადეს. შოიგუს უწყების განმარტებით, ჰუმანიტარული პაუზის რეჟიმი რეალურად არ მუშაობს, რადგანაც რადიკალები მოსახლეობას ცეცხლს უხსნიან და ქალაქის დატოვების საშუალებას არ აძლევენ. ალეპოს დაბომბვა რუსულმა ავიაციამ 18 ოქტომბერს შეაჩერა, თუმცა სირიის არმია ქალაქის აღმოსავლეთ რაიონებზე ინტენსიურ იერიშებს ახორციელებს.