თავდაცვის სამინისტრო წინააღმდეგი არ არის, შენგელიას საქმეში დამოუკიდებელ იექსპერტები ჩაერთონ და ალტერნატიული ექსპერტიზა ჩატარდეს. თავდაცვის უწყების ინფორმაციით, ამ დროისთვის გადაუდებელი საგამოძიებო მოქმედებები ტარდება. მათ შორის, დგინდება იმ პირთა წრე, ვისთან ერთადაც მოქმედებდა ბაზის ტერიტორიაზე შეჭრილი გიგა შენგელია. უწყებაში განმარტავენ, რომ შემთხვევა 23 ოქტომბერს ბაზის უკანა შიდა პერიმეტრზე მოხდა. „გუშაგი იმყოფებოდა არა საგუშაგოში, არამედ ახორციელებდა განწესით გათვალისწინებულ შემოვლას და სწორედ შემოვლის დროს შენიშნა მან ბაზის შიგნით შესული უცხო პირები,“- ნათქვამია უწყების განცხადებაში, აქვე აღნიშნულია, რომ ოპერატიულმა სამსახურმა ცხედრი ბაზის გარე პერიმეტრზე სამძებრო სამუშაოების დროს აღმოაჩინა.