თავდაცვის ყოფილი მინისტრის დიმიტრი შაშკინის განცხადებით, სასწავლო ცენტრ ,,კრწანისში“ მომხდარ ინციდენტზე გამოძიებას ამერიკელები ჩაატარებენ და დადგინდება, რომ ეს არ არის უცხო პირების ტერიტორიაზე შესვლის პირველი შემთხვევა. შაშკინი ,,რუსთავი 2“- თან საუბარში ამბობს ასევე, რომ თავდაცვის სამინისტროში არის სრული ბარდაგი.
"ეს არის სისტემური პრობლემა, თავდაცვის სამინისტროში არის სრული ბარდაგი. მყვინთავების დაღუპვა, გადაბრუნებული სამხედრო მანქანა, ეს ფაქტი. ამერიკელები ჩაატარებენ გამოძიებას იმიტომ. რომ იქ ამერიკელი ოფიცრები იყვნენ, რომელთა უსაფრთხოებაზე პასუხს ვაგებთ. გამოძიებით დადგინდება, რომ ეს პირველი შემთხვევა არ იქნება, როცა იქ უცხო პირების შესვლა დაფიქსირდა," - აცხადებს შაშკინი.
აქვე თავდაცვის ყოფილი მინისტრი ამბობს, რომ მსგავსი ფაქტები ორი ქვეყნის ურთიერთობაზე და ნდობის მაჩვენებელზე უარყოფითად აისახება.
