ნებისმიერი პარტიის წარმომადგენელს შეუძლია, კანონში წაიკითხოს, რა ფორმულით ხვდება არჩევნებში ბარიერგადალახული პარტიის წევრები პარლამენტში, - განაცხადა „ნაციონალური მოძრაობის“ წევრმამიხეილ მაჭავარიანმა ,,პატრიოტთა ალიანსის“ მიერ დღეს გაკეთებულ განცხადებასთან დაკავშირებით. მისივე თქმით, არსებობს გარკვეული ეჭვები, „პატრიოტთა ალიანსის“ მიერ ბარიერის გადალახვასთან დაკავშირებით.
„რაც შეეხება „ნაციონალურ მოძრაობის“ მიერ მიღებულ ნახევარ მილიონიან მხარდაჭერას, მას შეუძლია, ეს ყველაფერი გამოიკვილიოს, თუმცა გენიალოგიის თვალსაზრისით გაცილებით უკეთესად გამოდის კვლევები და გააგრძელოს ამ მიმართულებით. ფორმულაზე ეტყობა, ფილმი ნახა, გახსოვთ ასეთი ფილმი ფორმულაზე? ჩემთვის ძალიან შორს არის წასული ბატონი დავითი ამ მიმართულებით, ვერ დავეწევი, რა ფორმულა, რის ფორმულა? იცით, ძალიან მარტივი ფორმულაა, იცით ადგილები პარლამენტში როგორ ითვლება? კანონში წერია - მიღებული ხმების რაოდენობა მრავლდება პროპორციულ სიაში ადგილებზე და იყოფა ბარიერგადალახულ პარტიებზე, მე გავშიფრე ფორმულა. უმარტივესი ფორმულაა, თქვენც შეგიძლიათ დაითვალოთ რამდენია, მიღებული. „ნაციონალური მოძრაობის“ ხმა გაამრავლეთ 77-ზე, რადგან 77 ადგილია. უფრო მარტივი რომ იყოს ბატონი დავითისთვის, გაამრავლეთ „ნაციონალური მოძრაობა“, „ქართული ოცნება“ და ჩვენთვის საეჭვოდ „პატრიოტთა ალიანსის“ მიერ მიღებულ ხმების რაოდენობა. ბატონ თარხან-მოურავის მიღებული 6 მანდატი ეს არის ჩვენს მიერ მიღებული კონსტიტუციით, მათ რომ არ მოსწონთ. იქ ჩავწერეთ, რომ ექვსი მანდატი აქვს და ეს ექვსი კაცი ქმნის ფრაქციას, ავტომუტურად, რომ ბარიერ გადალახულ პარტიას ჰქონოდა ფრაქცია“, - განაცხადა მიხეილ მაჭავარიანმა.
"საქართველოს პატრიოტთა ალიანსი" მიიჩნევს, რომ პარტიას 6 მანდატზე მეტი ეკუთვნის და სარჩელით საკონსტიტუციო სასამართლოსთვის მიმართვას გეგმავს. პარტიის წევრები დამატებით მანდატებს მოითხოვენ.
„ყველა პარტია, რომელიც დარჩა ბარიერს მიღმა, ვერ გადალახა ბარიერი, მათი პროცენტები უნდა განაწილდეს ახლა იმ პარტიებზე, ვინც შევიდა პარლამენტში. მხოლოდ ხელისუფლება და "ნაციონალური მოძრაობა" ინაწილებს რატომღაც ამ დარჩენილ 17 ადგილს, ჩვენ არ ვმონაწილეობთ იქ, რაც არასწორია. ჩვენ გავასაჩივრებთ საკონსტიტუციო სასამართლოში და დიდი იმედი მაქვს, რომ დროულად მოახდენს რეაგირებას და მიიღებს სწორ გადაწყვეტილებას, მაშინ ჩვენ 8 მანდატს მივიღებთ,“ - აღნიშნა დავით თარხან-მოურავმა.
ირმა ინაშვილი კი მიიჩნევს, რომ არჩევნების გასაყალბებლად რაღაც მათემატიკური ფორმულა იყო გამოყენებული, რაც გამოძიებული უნდა იქნას.
