ექს-პრემიერ ბიძინა ივანიშვილის განცხადებით, პაატა ბურჭულაძემ ქართულ პოლიტიკაში იუმორის რეკორდი მოხსნა. მედიასთან დღევანდელ შეხვედრაზე მან აღნიშნა, რომ ბურჭულაძის ბრალდებებს სერიოზულად ვერ უპასუხებს.
”ქართველები მართლა ნიჭიერი ხალხი ვართ. გიორგი მარგველაშვილი გინესის წიგნში შევიდა - მოვიდა თუ არა მეორე დღესვე საკუთარ გუნდს, ვინც მოიყვანა, დაუპირისპირდა. ბურჭულაძემაც მგონი მაგარი რეკორდები დაამყარა. ამხელა იუმორი პოლიტიკაში მგონი არავის შემოუტანია. ასეთ მოკლე დროში კაცმა თავი გაიფარჩაკოს, როგორც მან მოახერხა, იშვიათია. მაგის გამონათქვამებს ვერ ვუპასუხებ, მხოლოდ ღიმილით. მან ოდესღაც ჩემი მოწოდებები გაითვალისწინა, რომ ნუ ცრუობს და არ იცრუოს, მაგრამ საოცრებებს ახერხებს ყოველდღე. მასზე ანეკდოტები ბევრი დადის. ბოლო ანეკდოტი ასეთია - პარტია შექმნა თუ დამკრძალავი ბიურო, მიდიან წრეს ურტყამენ და გამოდიანო. სერიოზულად ვერ ვუპასუხებ. ყველას ივანიშვილი უნდა ნახოს ოპონენტად, ნაცვლად იმისა, რომ ეკამათონ ნათელაშვილს”, - აღნიშნა ივანიშვილმა.