უფლებამოსილების ვადა საკონსტიტუციო სასამართლოს თავმჯდომარეს და მასთან ერთად სამ მოსამართლეს ხვალ ეწურება. ცნობილია ის სამი ადამიანი, ვინც ვაკანტურ ადგილებს დაიკავებს – ესენი არიან თემურ ტუღუში, გიორგი კვერენჩხილაძე და ირინა იმერლიშვილი, რომელიც უშიშროების ეროვნული საბჭოს მდივნის თანამდებობაზე მუშაობას ასრულებს.
საკონსტიტუციო სასამართლოში ღიად რჩება ერთი ადგილი, რომელსაც შემდეგი მოწვევის პარლამენტის მიერ დამტკიცებული მოსამართლე დაიკავებს.
ცნობილია, რომ ახალი მოსამართლეები მუშაობას მას შემდეგ შეუდგებიან, რაც დადებენ ფიცს და დაკომპლექტდება კოლეგიები, ასევე მოხდება არჩევა თავმჯდომარის.
ფიცის დადების ცერემონიალი, კვირას, 2 ოქტომბერს გაიმართება და მას პრეზიდენტი, პარლამენტის თავმჯდომარე და უზენაესი სასამართლოს თავმჯდომარე დაესწრებიან.