სასჯელაღსრულებისა და პრობაციის მინისტრის კახა კახიშვილის განცხადებით, ექს-პრეზიდენტ, ოდესისი გუბერნატორ მიხეილ სააკაშვილის საქართველოში ჩამოსვლისა და სასამართლოს გადაწყვეტილების შემთხვევაში, მისი საპატიმროში განთავსება პრობლემა არ იქნება. მისივე თქმით, ციხეებში გადატვირთულობის პრობლემები აღარ არის.
„საქართველოს სასჯელაღსრულებისა და პრობაციის სამინისტრო არის სასჯელის აღსრულების სამინისტრო, შესაბამისად, თუ იქნება სასამართლოს გადაწყვეტილება, ბუნებრივია, ჩვენ მას აღვასრულებთ. მით უმეტეს, ციხეებში გადატვირთულობის პრობლემები აღარ არის, ასე რომ, ამ კუთხით, პრობლემებს ვერ ვხედავ“, - განაცხადა კახა კახიშვილმა.
