“მაგთიკომმა” “კავკასუს ონლაინის” აქტივების შეძენის შემდეგ მომხმარებელს პირველი პროდუქტი შესთავაზა – „ჩემები”, რომელიც ინტერნეტის, ტელევიზიის და მობილური სერვისების კომბინაციის შედეგად შეიქმნა.
კომპანიის ცნობით, მათ, ვისაც მაგთის ინტერნეტი ან IP ტელევიზია აქვს, „ჩემები“საშუალებას აძლევს ისარგებლონ ექსკლუზიური პირობით მობილურზე: აირჩიონ ოჯახის მაქსიმუმ 4 წევრი და ისაუბრონ ერთმანეთთან ულიმიტოდ, თითო წევრზე თვეში მხოლოდ 1 ლარად.
მენეჯმენტი მიიჩნევს, რომ ახალი შეთავაზება მომხმარებლების ინტერესებზეა მორგებული.
აღსანიშნავია, რომ „მაგთიკომი“ საქართველოში პირველი და ერთადერთი ოპერატორია, რომელიც სრულ სატელეკომუნიკაციო მომსახურებას უზრუნველყოფს და მომხმარებელს მომსახურებას მსოფლიოში არსებული ყველა ტექნოლოგიით სთავაზობს: 2 ტიპის ინტერნეტი - მობილური და ოპტიკურ-ბოჭკოვანი; 2 ტიპის ტელევიზია - სატელიტური და IPTV; 2 ტიპის ფიქსირებული ტელეფონია - რადიო და საკაბელო; მობილური ტელეფონია - რომელიც მობილური ტელეკომუნიკაციის განვითარების ყველა საფეხურს მოიცავს: 2G, 3G, 4G ქსელებს.
აღსანიშნავია, რომ საქართველოში პირველად, მხოლოდ მაგთიკომის აბონენტებს აქვთ შესაძლებლობა, მსოფლიოში უახლესი ტექნოლოგიით - 4.5G LTE Advanced ქსელით ისარგებლონ.
