24 აგვისტოს, საბაჟო გამშვებ პუნქტში „სარფი“, მებაჟე ოფიცრებმა, თურქეთის მხრიდან შემოსული მოქალაქის მართვის ქვეშ არსებული ავტომობილის დათვალიერების შედეგად, უკანა სავარძლის ქვემოთ, სპეციალურად მოწყობილ სამალავში, არადეკლარირებული ოქროს ნაკეთობები (1071,84 გრ.) აღმოაჩინეს. საქონლის საბაჟო ღირებულებამ 61,405,71 ლარი შეადგინა.
საქმე შემდგომი რეაგირების მიზნით, საქართველოს ფინანსთა სამინისტროს საგამოძიებო სამსახურის საგამოძიებო დეპარტამენტის აჭარისა და გურიის სამმართველოს გადაეცა.