ADAMI მედიის პრიზმა კულტურული მრავალფეროვნებისათვის აღმოსავლეთ ევროპაში და პროკრედიტ ჰოლდინგმა (მაინის ფრანქფურტი, გერმანია) 2016 წელს ახალი თანამშრომლობის ხელშეკრულება გააფორმეს.
აღნიშნული შეთანხმების თანახმად, პროკრედიტ ჰოლდინგი ADAMI მედიის პრიზს კულტურული მრავალფეროვნების განვითარების საკითხში დაეხმარება. ამასთანავე ხელს შეუწყობს სომხეთში, აზერბაიჯანში, ბელორუსში, საქართველოში, მოლდოვასა და უკრაინაში მოღვაწე მედია სპეციალისტებს: რეჟისორებს, აუდიოვიზუალური მედიის წარმომადგენლებსა და მაუწყებლებს შექმნან ახალი საერთაშორისო კავშირები. ზემოთ აღნიშნული ქვეყნები იმ ქვეყნების ჩამონათვალია, სადაც ADAMI მედიის პრიზი ფუნქციონირებს.
პროკრედიტ ჰოლდინგი დააფინანსებს ADAMI 2016 წლის კონკურსს და დაჯილდოების ცერემონიალს, რომელიც 24 ნოემბერს ქ.კიევში გაიმართება. ღონისძიება საერთაშორისო დონეზე გაშუქდება. ჯილდო გადაეცემა იმ გამორჩეულ კინო, სატელევიზიო და ონლაინ პროგრამებს, რომლებიც ხელს უწყობს ეროვნულ, ეთნიკურ, რელიგიურ თუ კულტურულ მრავალფეროვნებას აღმოსავლეთ ევროპასა და კავკასიაში.
პროკრედიტ ჰოლდინგი საერთაშორისო პროკრედიტ ჯგუფის დამფუძნებელი კომპანიაა. პროკრედიტ ჯგუფი აღმოსავლეთ ევროპის ქვეყნებში მოქმედ ბანკებს აერთიანებს, რომლებიც ორიენტირებულნი არიან მცირე და საშუალო ზომის საწარმოების მომსახურებაზე. „პროკრედიტ ჯგუფი, რომელიც საბანკო საქმეს სოციალური პასუხისმგებლობით უდგება, იზიარებს კონკურსის ძირითად ეთიკურ პრინციპებს და მოხარულია მხარი დაუჭიროს ამ ინიციატივას“, - აცხადებს პროკრედიტ ჰოლდინგის დირექტორთა საბჭოს წევრი ბორისლავ კოსტადინოვი. ADAMI მედიის პრიზის მეშვეობით ყურადღების ცენტრში ექცევა ევროკავშირის აღმოსავლეთ პარტნიორობის ქვეყნების ჟურნალისტებისა და მედია პროფესიონალების მუშაობა. ADAMI მედიის პრიზის მიზანია ხალხებს შორის მშვიდობიანი თანაარსებობის ხელშეწყობა მედიაში ახალი იდეებისა და პერსპექტივების სტიმულირებით, ასევე,კულტურული მრავალფეროვნებისა და ინტეგრაციის საკითხებში მედიის დაინტერესების ხელშეწყობა.
ექვსი ქვეყნის მაუწყებელსა და პროდიუსერებს შეუძლიათ გამოგზავნონ კულტურული მრავალფეროვნების საკითხებთან დაკავშირებული ფილმები, ვიდეოები და ონლაინ მასალები 10 ოქტომბრამდე (ნამუშევრების მიღების ბოლო ვადა). ყველა წარმოდგენილ მასალას საერთაშორისო ჟიური განიხილავს და შეაფასებს ჟიურის სხდომებზე, რომელსაც 24-28 ოქტომბერს ქ.ბათუმი (საქართველო) უმასპინძლებს. პროდიუსერები და რეჟისორები/ჟურნალისტები, რომლებიც ნომინირებულები იქნებიან არსებული ექვსი კატეგორიიდან ერთ-ერთში, მიწვეულნი იქნებიან გალა დაჯილდოების ცერემონიაზე კიევში, სადაც მათ შესაძლობლობა ექნებათ დაამყარონ თანამშრომლობა მაუწყებლების წარმომადგენლებთან და მედია პროფესიონალებთან მთელი ევროპის მასშტაბით. გალა დაჯილდოების ცერემონია პირდაპირ ეთერში მსოფლიოს მასშტაბით გაშუქდება.
ADAMI მედიის პრიზი კულტურული მრავალფეროვნებისათვის აღმოსავლეთ ევროპაში წარმოადგენს გერმანული არაკომერციული ორგანიზაციის Forschungsgruppe Modellprojekte e.V ინიციატივას და ფინანსდება საგარეო საქმეთა ფედერალური სამინისტროს (გერმანია) მიერ. აღნიშნული ხორციელდება ევროპის სამაუწყებლო კავშირთან, Deutsche Welle Akademie-სთან, აღმოსავლეთ ევროპის კვლევების გერმანულ საზოგადოებასთან პარტნიორობითა და ისეთი მედია პარტნიორების მხარდაჭერით, როგორებიც არიან: ფრანგულ-გერმანული კულტურული არხი ARTE, საქართველოს საზოგადოებრივი მაუწყებელი, უკრაინის ეროვნული ტელევიზია და ტელერადიო მოლდოვა.
პროკრედიტ ჰოლდინგი (მაინის ფრანქფურტი, გერმანია) საერთაშორისო პროკრედიტ ჯგუფის დამფუძნებელი კომპანიაა. ჯგუფი შედგება აღმოსავლეთ ევროპის ქვეყნებში მოქმედი ბანკებისგან, რომლებიც ორიენტირებულნი არიან მცირე და საშუალო ზომის საწარმოების მომსახურებაზე. 2016 წლის 30 ივნისს, ჯგუფის საერთო აქტივებმა 6 მილიარდი ევრო შეადგინა, სულ ვადაგადაცილებული სესხების მოცულობამ 4.1 მილიარდი ევრო, ხოლო კლიენტების დეპოზიტებმა - 3.8 მილიარდი ევრო. კომპანიის სააქციო კაპიტალი 608 მილიონი ევროა. პროკრედიტ ჰოლდინგის ძირითადი აქციონერები არიან სტრატეგიული ინვესტორები Zeitinger Invest და ProCredit Staff Invest, Dutch DOEN Foundation, KfW და IFC (მსოფლიო ბანკის ჯგუფი).
