სამართლიანი არჩევნები" და "დემოკრატიის საერთაშორისო საზოგადოება" 2016 წლის 8 ოქტომბრის წინასაარჩევნო პერიოდის მონიტორინგის პირველ შუალედურ ანგარიშს ენმ-ის წევრი მიხეილ მაჭავარიანი ეხმაურება და აცახდებს, რომ მიხელ სააკაშვილს კანონი არ დაურღვევია.
,,მიხეილ სააკაშვილის ჩართვები, საქართველოს კანონმდებლობის სრული დაცვით ხდება, ეს არის ჩვეულებრივი პრაქტიკა, როდესაც პოლიტიკურ პარტიას მხარდაჭერას უცხადებენ სხვა ქვეყნის ლიდერები. ეს არის ჩვეულებრივი ამბავი, ეს არ არის კამპანიაში მონაწილეობა, ამიტომ, ვურჩევ კანონმდებლობა კარგად ნახონ,“ - განაცხადა მიხეილ მაჭავარიანმა.
ანგარიშში, რომელიც არასამთავრობოებმა დღეს გამოაქვეყნმეს ნათქვამია, რომ ყოფილმა პრეზიდენტმა მიხეილ სააკაშვილმა, რომელიც უკრაინის მოქალაქეა, წინასაარჩევნო აგიტაციაში ორჯერ კანონდარღვევით მიიღო მონაწილეობა.
„საარჩევნო კოდექსის 45-ე მუხლის მე-4 პუნქტის „ვ“ ქვეპუნქტის თანახმად, უცხო ქვეყნის მოქალაქეებს წინასაარჩევნო აგიტაციაში მონაწილეობა ეკრძალებათ“ - აცხადებენ „სამართლიან არჩევნებში“.
ამასთან, ორგანიზაციის დაკვირვებით, საანგარიშო პერიოდში გამოვლინდა პოლიტიკური ნიშნით ზეწოლა-მუქარის - 2, სამსახურიდან სავარაუდოდ პოლიტიკური ნიშნით გათავისუფლების - 3, ძალადობის - 2, ამომრჩევლის სავარაუდო მოსყიდვის - 2, არაუფლებამოსილი პირის მიერ აგიტაციაში მონაწილეობის - 5 და ადმინისტრაციული რესურსის გამოყენების 2 ფაქტი.