მოვუწოდებ პრემიერ-მინისტრსა და პრეზიდენტს, რომ ზეწოლის შესახებ ბრალდებებს სერიოზულად მიუდგნენ, - ამის შესახებ ა შშ-ს ელჩმა საქართველოში იან კელი საკონტიტუციო სასამართლოს თავმჯდომარის, გიორგი პაპუაშვილის ბრალდებებთან დაკავშირებით ისაუბრა, რომლის ტანახმადაც რიგ მოსამართლეებზე მიმდინარეობს ზეწოლა.
”სასამართლომ მნიშვნელოვანი საქმეები უნდა განიხილოს ყოველგვარი ზეწოლისა და პოლიტიკური კონტროლის გარეშე. აშკარაა, რომ ეს ბრალდებები ნამდვილად იძლევა წუხილის საფუძველს. მე პირადად მოვუწოდებ პრემიერ-მინისტრსა და პრეზიდენტს, რომ ამ ბრალდებებს სერიოზულად მიუდგნენ”, – განაცხადა იან კელიმ.
ზეწოლის ფაქტებზე გუშინ, ისაუბრა საქართველოს პრეზიდენტმაც და აღნიშნა, რომ სამართლადამცავების მხრიდან ამის მცდელობა მის ოჯახის წევრზეც იყო.
