დედაქალაქის ბიუჯეტი 18 მილიონი ლარით გაიზარდა. საბიუჯეტო ცვლილებებს მხარი საკრებულოს უმრავლესობამ დაუჭირა.
თბილისის საკრებულოს საფინანსო-საბიუჯეტო კომისიის თავმჯდომარს ჯაბა სამუშიას განცხადებით, თბილისის ბიუჯეტმა 847 მილიონი შეადგინა და თანხების დიდი ნაწილი სოციალური ხარჯებისკენაა მიმართული. მისი თქმით, ,,თავიდანვე როდესაც ჩვენ ბიუჯეტს ვიღებდით იქ იყო აღნიშნული, რომ სოციალურ და ჯანდაცვის მიმართულებებს ჩვენ აუცილებლად წლის განმავლობაში დავუმატებდით თანხას, რადგან ეს ჩვენთვის პრიორიტეტული მიმართულებებია”.
თბილისის მერის მოადგილის ირაკლი ლექვინაძის განცხადებით, საუბარი იმაზე, რომ თბილისის ბიუჯეტის გაზრდა ემსახურება წინასაარჩევნოდ ადმინისტრაციული რესურსების გამოყენებას, არის აბსოლიტურად უსაფუძვლო.
“მესმს ოპოზიციის, რომ მათ სხვა შენიშვნები ამ საბიუჯეტო ცვლილებებთან დაკავშირებიათ არ აქვთ. მათ მოსაზრებას ვერ დავეთანხმები. ეს არის ის პრიორიტეტები, რომლებიც აქამდეც იყო პრიორიტეტული თბილისის ბიუჯეტში და ამ ეტაპზეც ამ მიმართულებით ხდება დამატებითი რესურსების მობილიზება. გზებთან დაკავშირებით გეტყვით, რომ მიმდინარე წელს დაგეგმილია დაახლოებით 30 პროცენტით მეტი გზის საფარის დაგება, ეს არის მილიონ 400 კვადრატული მეტრი, რაც არის უპრეცედენტო მაჩვენებელი. ნებისმიერ საუბარი ადმინისტრაციული რესურსის გამოყენებაზე არის უსაფუძვლო“, - განაცხადა ლექვინაძემ.