,,ნაციონალურ მოძრაობაში“ მიიჩნევენ, რომ გიგა ოთხოზორიას მკვლელობაში ბრალდებულისთვის შინა პატიმრობის შეფარდება არის უკიდურესი ცინიზმი და უსამართლობა. ენმ-ის წევრი თინა ბოკუჩავა აცხადებს, რომ ეს ასის დღევანდელი ხელისუფლების არასწორი პოლიტიკის შედეგი რუსეთთან.
„ეს არის უკიდურესი ცინიზმი და უსამართლობა, რომ გიგა ოთხოზორიას მკვლელი, ოკუპირებული აფხაზეთის დე ფაქტო სასამართლომ მხოლოდ შინა პატიმრობით დასაჯა. ეს არის პირდაპირ, იმის შედეგი, რომ დღევანდელი ხელისუფლება არასწორ პოლიტიკას ატარებს რუსეთთან. მათ არ ესმით, რომ რუსეთთან საჭიროა, მშვიდობიანი, მაგრამ ძალიან პრინციპული მიდგომა,“ - განაცხადა თინათინ ბოკუჩავამ.
გიგა ოთხოზორიას მკვლელობაში ეჭვმიტანილ რაშიდ კანჯი-ოღლუს ოკუპირებული აფხაზეთის დე-ფაქტო სამხედრო სასამართლომ შინა პატიმრობა მიუსაჯა. ამის შესახებ ინფორმაცია გუშინ ოკუპირებული აფხაზეთის დე-ფაქტო სამხედრო პროკურორმა, ადგურ აგრბამ გაავრცელა.
მისი თქმით, „სამხედრო სასამართლომ არ დააკმაყოფილა სამხედრო პროკურატურის შუამდგომლობა კანჯი-ოღლუს დაპატიმრების შესახებ“.
