,, ახლა ევროპამ უნდა აჩვენოს სიძლიერე და უნარი, გაუმკლავდეს ეკონომიკურ და ფინანსურ რისკებს, რომლებიც შესაძლოა დიდი ბრიტანეთის გასვლამ გამოიწვიოს”, - ამის შესახებ საფრანგეთის პრეზიდენტმა ფრანსუა ოლანდმა ბრიტანეთის რეფერენდუმის შედეგებზე საუბრისას განაცხადა. მისი თქმით, დიდ ბრიტანეთში ჩატარებული რეფერენდუმი ევროპისთვის გამოცდა იყო.
“ბრიტანელმა ხალხმა რეფერენდუმის გზით გადაწყვიტა ევროკავშირის დატოვება. ეს მტკივნეული არჩევანია. მე ვწუხვარ გაერთიანებული სამეფოსა და მთელი ბრიტანეთისთვის. თუმცა ეს მათი არჩევანია, ჩვენ მას პატივი უნდა ვცეთ და შედეგები გავითვალისწინოთ. გაერთიანებული სამეფო აღარ იქნება ევროკავშირის წევრი. ხელშეკრულებებით გათვალისწინებული პროცედურა მალე დაიწყება. ბრიტანელი ხალხის არჩევანი ევროპისთვის რთული გამოცდა იყო”, - განაცხადა საფრანგეთის პრეზიდენტმა.
