,,სამწუხაროდ, პრემიერმა თავისი განცხადებით დაადასტურა, რომ ხელისუფლება არ აპირებს, დასაჯოს ის დამნაშავეები, ზონდერები, რომლებიც გაუსწორდნენ ნაციონალური მოძრაობის მხარდამჭერებს კორცხელში», - ,,ამის შესახებ ,,ნაციონალური მოძრაობის“ წევრმა მიხეილ მაჭავარიანმა პრემიერ-მინისტრის დღევანდელი განცხადების შეფასებისას განაცხადა.
,,ამით კიდევ ერთხელ გამოჩნდა, რომ ხელისუფლებას არ აქვს პოლიტიკური ნება - დამნაშავეებს პასუხი აგებინონ და ასეთი ტიპის განცხადებებით თავიდან ირიდებენ პასუხისმგებლობას. ეს არის ნიშანი, რომ დამნაშავეები, რომლებმაც ჩაიდინეს კონკრეტული დანაშაული, იქნებიან დაუსჯელები. როგორც ჩანს, კალაძემ აჯობა კვირიკაშვილს და რა პროგნოზიც ჩვენ გვქონდა, ამ დანაშაულზე პასუხს არავინ არ აგებს. საბოლოო ჯამში, ეს დააზიანებს საქართველოს იმიჯს, ეს დააზიანებს საქართველოს, რადგან აქ ნათელი მითითებაა, რომ დაპირისპირება შემოაქვთ საზოგადოებაში და მათ შორის, გიორგი კვირიკაშვილის ამ განცხადებით“, - აღნიშნავს მაჭავარიანი.
გიორგი კვირიკაშვილი კორცხელის ინციდენტს დღეს საფრანგეთიდან გამოეხმაურა და განაცხადა, რომ "პრემიერ- მინისტრების მხრიდან მითითება - დააკავეთ, დაიჭირეთ, ნულოვანი ტოლერანტობა.. ასეთი რაღაცეები საქართველოში აღარ იქნება და მოლოდინებიც ნუ გვექნება".