რუსთავი2"-ის სასამართლო პროცესთან დაკავშირებით, ყველა შესაძლო დარღვევას, ერთიანი განცხადებით, სახალხო დამცველი უახლოეს დღეებში გამოეხმაურება. ამის შესახებ განცხადება, უჩა ნანუაშვილმა გააკეთა. მისი თქმით, აპარატი სააპელაციო სასამართლოში რამდენიმე კოლეგიის შეცვლის მიზეზებს და არსებული კოლეგიის მიერ პროცესის წარმართვას დეტალურად სწავლობს.
„ჩვენ ვაკვირდებით მიმდინარე პროცესს. უნდა გვქონდეს კონკრეტული ფაქტები იმასთან დაკავშირებით, რომ რაიმე განცხადება გავაკეთოთ, მათ შორის კოლეგიის და კოლეგიის ობიექტურობასთან დაკავშირებით. ჯერჯერობით ჩვენ ასეთი ინფორმაცია არ გაგვაჩნია. თუკი პროცესში გამოიკვეთება და ჩვენ უნდა დაველოდოთ კიდევ რამდენიმე დღე იმისთვის, რომ შესაძლებლობა გვქონდეს შესაბამისი დასკვნების.ჩვენ დაწყებული გვაქვს გამოძიება, თუ რა გახდა მიზეზი კოლეგიების შეცვლის. სპეციალურ განცხადებას ერთიანად ყველა შესაძლო დარღვევასთან დაკავშირებით, რომელიც შეიძლება გამოიკვეთოს პროცესში აუცილებლად გავამახვილებთ ყურადღებას“, - განაცხადა უჩა ნანუაშვილმა.
