„ჩვენ არასოდეს ეჭვი არ გვეპარებოდა, რომ ეს იყო პოლიტიკური პროცესი და ამ პოლიტიკურ პროცესს წარმართავდა ხელისუფლება," -ამის შესახებ ,, რუსთავი 2“ -ის საქმესთან დაკავშირებით, ,,თავისუფალი დემოკრატების“ წევრი ნინო გოგუაძე აცხადებს.
„ჩვენ არასოდეს ეჭვი არ გვეპარებოდა, რომ ეს იყო პოლიტიკური პროცესი და ამ პოლიტიკურ პროცესს წარმართავდა ხელისუფლება. ეს ნათლად გამოვლინდა პირველი ინსტანციის სასამართლოზე. მურუსიძეს იმიტომ ჩააბარეს სააპელაციო სასამართლო, რომ ყველა პოლიტიკური შეკვეთა შეასრულოს. სამწუხარო ის არის, რომ ეს იქნება ხელისუფლებს მხრიდან გადადგმული ძალიან უგუნური ნაბიჯი. ეს იქნება მიმართული საზოგადოების დაპირისპირებისკენ. ეს იქნება მიმართული საქართველოს ევროინტეგრაციის საწინააღმდეგო ნაბიჯი, რაც კარგად იცის ხელისუფლებამ. ამ ნაბიჯის შემდეგ, არჩევნებსაც ლეგიტიმაციის ხარისხი დაუვარდება. ბიძინა ივანიშვილმა ნაციონალების მართვის მანკიერი პრაქტიკა სრულფასოვნად გადაიღო,“ - განაცხადა ნინო გოგუაძემ.
დღეს სააპელაციო სასამართლოში ,,რუსთავი 2“-ის საქმის განხილვა გრძელდება. სასამართლოს შენობასთან შეკრებილი არიან არხის მხარდამჭერები, არასამთავრობო ორგანიზაციების წარმომადგენლები და პოლიტიკოსები.
