ლიბერალ დემოკრატების ლიდერი მუხრან ბურჭულაძე საქართველოს პარლამენტს აკრიტიკებს და პარლამენტის წევრების თვითლუსტრაციაზე საუბრობს. ბურჭულაძე აცხადებს, რომ 26 მაისს ვერც ერთმა ქართველმა პოლიტიკოსმა ვერ შესძლო ზვიად გამსახურდის სახელის ხსენება.
”ყველამ იცით, რომ ცოტა ხნის წინ მივმართე საქართველოს პარლამენტს და მოვითხოვე ქართული კანონმდებლობიდან 9 მაისის ამოღება, ასევე ფაშიზმთან ბრძოლის დღედ 8 მაისის გამოცხადება. ფაქტია, რომ პარლამენტში ერთი დეპუტატიც არ აღმოჩნდა, ვინც ინიციატივას მხარს დაუჭერდა. სახეზეა თვითლუსტრაცია, ასეთი ევროპელებით გვყავს დაკომპლექტებული პარლამენტი”, - აცხადებს ბურჭულაძე.
მისივე თქმით, ქართული სიმბოლოები კრემლს და მის სატელიტებს აღიზიანებს.
”26 მაისს აღინიშნება დამოუკიდებლობის 25 წლისთავი რაც პარადოქსია, რადგან 25 წლის წინ დამოუკიდებლობა აღდგა 9 აპრილს და ამას კონსტიტუციაც ადასტურებს. ფაქტია ისიც, რომ ბევრს აშინებს ეროვნული სიმბოლოები”, - აცხადებს ბურჭულაძე და დასძენს”, - ”26 მაისს, ისევე როგორც ყოველთვის, პოლიტიკოსებმა ერთი სიტყვითაც ვერ გაბედეს პირველი პრეზიდენტის და ეროვნული გმირის ზვიად გამსახურდიას სახელის ხსენება, რადგან გმირის სახელი ამ ანტიგმირებს შიშის ზარს სცემს”.
