რუსეთის სპეცსამსახურები ”კანონიერ ქურდებს” კრიმინოგენული ვითარების დასაძაბად იყენებენ, რაც ”ჰიბრიდული ომის” ელემენტს წარმოადგენს, - ამის შესახებ უკრაინის ეროვნული პოლიციის უფროსოს მოადგილმ, კრიმინალური პოლიციის უფროსმა ვადიმ ტროიანმა განაცხადა.
”უკრაინაში დანაშაულებრივი დაჯგუფებების ხელმძღვანელების აქტიურობა შეიმჩნევა, ეს პირები რუსეთის მოაქალაქეები არიან და ”კანონიერი ქურდის” სტატუსებიც რუსეთში აქვთ მიღებული. ისინი იმყოფებიან რუსეთის სპეცსამსახურების გავლენის ქვეშ და ამ სამსახურის მიერ გამოყენებულნი არიან უკრაინაში ინფორმაციების შეგროვებისა და კრიმინოგენული ვითარების დესტაბილიზაციისთვის”, - განაცხადა ტროიანმა.
მისივე განცხადებით, შესაბამისი სამსახურები ფლობენ ინფორმაციას იმის შესახებ, რომ დანაშაულებრივი სამყაროს ლიდერები ქმნიან საკუთარი კონტრდაზვერვის სტრუქტურებს, რომლის შემადგენლობაშიც ირიცხებიან პროფესიონალები - სამართალდამცავი ორგანოების ყოფილი თანამშრომლები. სწორედ ეს პირები აცდილობენ სპეცსამსახურების აქტიურობის განეიტრალებას.
”თითქმის ყოველ მეორე ”გავლენიან კანონიერ ქურდს” ჰყავს მაღალი რანგის მფარველი, ისინი აქტიურად ურთიერთობენ მედის წარმომადგენლებთან, რომლებიც თავის მხრივ უზრუნველყოფენ ”საჭირო” პუბლიკაციების გავრცელებას, მათ შორის ისეთი ინფორმაციების, რომელიც ახდენს თანამდებობის პირების დისკრედიტაციას”, - აცხადებს ტროიანი.
მისივე განმარტებით, ცალკეული დანაშაულებრივი დაჯგუფება შექმნილია ეკონომიკური ინტერესების უზრუნველსაყოფად.
