ვეტერანთა დეპარტამენტის ყოფილი ხელმძღვანელი ირაკლი შიხიაშვილი ინფორმაციას აშშ-ში პოლიტიკური თავშესაფრის მთხოვნის თაობაზე უარყოფს. კომენტარი მან ამის შესახებ აეროპორტში, შეერთებული შტატებიდან დაბრუნების შემდეგ გააკეთა.
მისი თქმით, მას არც ამერიკაში აქვს რაიმე ბიზნესი. შიხიაშვილი ვეტერანთა დეპარტამენტში მისი მმართველობის პერიოდში თანხის გაფლანგვასაც უარყოფს და მასზე არასწორი ინფორმაციების გავრცელებაში ყოფილ ხელისუფლებას ადანაშაულებს.
მისივე განმარტებით, ვეტერანთა დეპარტამენტში აუდიტის შესვლა თავადვე მოითხოვა.
"შიხიაშვილს გასაქცევად საქმე არ აქვს, ის ემსახურება თავის ქვეყანას, ყოველთვის და არსად აპირებს გაქცევას და დამალვას," - განაცხადა შიხიაშვილმა.
ვეტერანთა დეპარტამენს ირაკლი შიხიაშვილი 2014 წლის სექტემბრიდან ხელმძღვანელობდა. მან თანამდებობა ერთი თვის წინ დატოვა.
