თურქეთის პრეზიდენტმნა განაცხადა, რომ მისი ქვეყანა მზადაა აუცილებლობის შემთხვევაში მიიღოს ათასობით ლტოლვილი თავის ტერიტორიაზე, რომლებიც ცდილობენ თავი დააღწიონ სირიის სახელისუფლებო ძალების შეტევას ალეპოზე.
მანამდე ევროკავშირმა მოუწოდეა თურქეთს მიიღოს სირიელი ლტოლვილები, რომელთა რიცხვიც თურქეთის საზღვართან ბოლო დღეების განმავლობაში იზრდება, რუსეთის საჰაერო ძალების მიერ სირიის ხელისუფლების მხარდაჭერის გამო, ალეპოზე იერიშებში.
,,ბიბისის" ცნობით, ფედერიკა მოგერინიმ განაცხადა, რომ ანკარას იურიდიული თუ არა მორალური ვალდებულება მაინც აქვს - დახმარება აღმოუჩინოს ლტოლვილებს სირიიდან. მოგერინის მხარი დაუჭირეს ევროკავშირის სხვა მაღალჩინოსნებმაც.
თურქეთის საზღავრთან 35 ათასი ადამიანი დახმარებას ელოდება. ისინი სირიელი დევნილები არიან, რომლებმაც თავი დააღწიეს ალეპოს რეგიონში მიმდინარე ბრძოლებს. ქალაქ ალეპოსა და მიმდებარე ტერიტორიებზე შეტევა სირიის სამთავრობო ძალებმა რუსული ავიაციის დახმარებით გუშინ დაიწყეს, რის შემდეგაც ანკრას ინფორმაციით, თურქეთის საზღვართან დევნილთა რაოდენობა ორჯერ გაიზარდა და 35 ათასს მიაღწია.
