ენერგეტიკის მინისტრის კახა კალაძის განცხადებით, კომპანია "ფრონტერას" მიერ გავრცელებულ ინფორმაციაში გაზის იმხელა მოცულობებზე იყო საუბარი, რომელიც თურქმენეთსაც არ გააჩნია. საუბარია 3,8 ტრილიონ კუბურ მეტრ ოდენობაზე.
თუმცა მინისტრი აცხადებს, რომ ამის დამტკიცებას მილიარდობით ინვესტიცია სჭირდება.
..შეიძლება მიწის ქვეშ რაღაც გარკვეული მარაგები იყოს, თუმცა ამის დასამტკიცებლად მილიარდობით ინვესტიციის განხორციელებაა საჭირო. დამტკიცების შემთხვევაში, მერე უნდა იყოს გადაწყვეტილება მიღებული, თუ რამდენად სწორი იქნება კომერციულად, ფინანსურად ბიზნესის თვალსაზრისით, ამ გაზის ამოღება. "ფრონტერა" საქართველოში 20 წელია მოღვაწეობს და მათ მიერ წარმოდგენილ ლიცენზიაში, რომელიც ყოველწლიურად ახლდება, ამ სამუშაოების განხორციელებაზე არაფერი წინადადება არ არის”, - განაცხადა მინისტრმა ატლანტიკური საბჭოს მიერ გამოქვეყნებული ანგარიშის შეფასებისას, რომლის თანახმად, "სამხრეთ კახეთის გაზის კომპლექსში" აღმოჩენილი ბუნებრივი აირის მარაგი 3,8 ტრილიონ კუბურ მეტრს აღწევს. ანგარიში კომპანია "ფრონტერას" ინფორმაციას ეყრდნობა.