უკრაინის პრემიერ-მინისტრი მთავრობისთვის ნდობის გამოცხადების საკითხზე რადას კენჭისყრის ჩატარებისკენ მოუწოდებს. ამის შესახებ არსენი იაცენუკმა პარლამენტში სამთავრობო საათის დროს განაცხადა.
მისივე თქმით რადას აქვს კონსტიტუციით მინიჭებული უფლება შესაბამისი რეზოლუცია კენჭისყრაზე გაიტანოს, თუ ის მინისტრთა კაბინეტს მხარს არ უჭერს.
ჯერ კიდევ გუშინ არსენი იაცენუკი აცხადებდა, რომ მთავრობამ ერთ გუნდად მუშაობა გადაწყვიტა და მომდევნო 12 თვიანი სამუშაო გეგმის შედგენაც დაიწყო.
დაპირისპირება რადასა და მთავრობას შორის რამდენიმე თვეა გრძელდება. ნოემბერში პრემიერმინისტრი მმართველი კოალიციიდან გასვლითაც იმუქრებოდა.
უკრაინის ეროვნული ბანკის ხელმძღვანელმა, გრივნის გაუფასურება სწორედ ქვეყანაში არსებულ პოლიტიკურ არასტაბილურობას დაუკავშირა. ვალერია გონტარევამ განაცხადა, რომ ხმაურიანი პოლიტიკური განცხადებები ყოველთვის ახდენს გავლენას საფინასო ბაზრებზე. მისივე თქმით, ეროვნული ვალუტის კურსი პოლიტიკური სიტუაციის პარალელურად დასტაბილურდება.
