აშშ-ს საელჩო ,,მაესტროს“ ირგვლივ განვითარებულ მოვლენებს დააკვირდება. ამის შესახებ ტელეკომპანიის პარტნიორთა კრების მიერ გენერალური დირექტორის თანამდებობიდან გათავისუფლებულმა ბაია გადაბაძემ საელჩოს წარმომადგენელთან გამართული შეხვედრის შემდეგ განაცხადა.
"მან მითხრა, რომ აშშ-ის საელჩო და ზოგადად ქვეყანა ყურადღებას აქცევს სხვადასხვა ქვეყნებში მედიისა და სასამართლოს დამოუკიდებლობას. თუ ქვეყანაში სასამართლო არსებობს და არ მოხდება ხელისუფლების მხრიდან ჩარევა, მეც და ყველა შევძლებთ სიმართლის დამტკიცებას. ეს მხარდაჭერა მივიღე მე დღეს ამერიკის საელჩოსგან, რომ დააკვირდებიან პროცესებს", - განაცხადა ბაია გადაბაძემ.
მისივე თქმით, უახლოეს პერიოდში გამართავს პრესკონფერენციას, სადაც "ტვ 11"-ისა და ,,მაესტრო 24“ -ის თემაზე ისაუბრებს.