,,თავისუფალი დემოკრატების" ერთ-ერთი ლიდერი ვიქტორ დოლიძე მთავრობის წარმომადგენლებსა და კრიზისების მართვის საბჭოს ხელმძღვანელს მინდია ჯანელიძეს დებატებში იწვევს.
ვიქტორ დოლიძემ დღეს გამართულ პრესკონფერენციაზე განაცხადა, რომ კრიზისების მართვის საბჭო არაეფექტურად მუშაობს და სამსახურიდან დათხოვნილი კადრების თავშესაფრად იქცა.
,,ჩვენ ამას ვუყურებთ პროფესიონალური თვალით და შინაარსობრივად დასახვეწია საქართველოს ეროვნული უშიშროების საბჭო. არაფექტური და მიუღებელია მისი მუშაობა. ჩვენ გვაქვს სქემა დაწერილი თუ როგორი უნდა იყოს უშიშროების საბჭო", - განაცხადა დოლიძემ.
მისი თქმით, 2 წელია აკვირდებიან აღნიშნული სტრუქტურების მუშაობას.
,,ჩვენ გავიარეთ 13 ივლისის ტრაგედია. აქაც ვნახეთ თუ რამდენად ეფექტური და მობილური იყო კრიზისების მართვის საბჭო. მე ვფიქრობ, რომ ეს ორი პარალელური სტრუქტურა. ისინი ვერ პასუხებენ იმ გამოწვევებსა და საფრთხეებს, რომელიც დგას ჩვენი ქვეყნის წინაშე. ჩვენ შეგვიძლია ვიმსჯელოთ, სად იქნება, ვისი დაქვემდებარების ქვეშ იქნება ეროვნული უშიშროების საბჭო. მაგრამ ის, რომ კრიზისების მართვის საბჭო უნდა იყოს ეროვნული უშიშროების საბჭოს შემადგენელი ნაწილი", - განაცხადა ვიქტორ დოლიძემ.
