მთავარი პროკურორობის კანდიდატი ირაკლი შოთაძე ფიქრობს, რომ მას პარლამენტის მხრიდან მხარდაჭერა ექნება.
როგორც ჟურნალისტებს შოთაძემ განუცხადა, მას პროკუროტურის რეფორმასთან დაკავშირებით, საკუთარი ხედვა და პროგრამა აქვს.
მისი თქმით, ის საკუთარი პროგრამით პარლამენტის წინაშე წარსდგება.
„მზად ვარ, რომ ყველა კითხვას პასუხი გავცე. არცერთ კითხვაზე პასუხის გაცემისგან თავი არ ამირიდებია. პლენარულ სხდომაზე კენჭისყრის შემდეგ გამოჩნება, მაქვს თუ არა მხარდაჭერა, მაგრამ ვფიქრობ, რომ მხარდაჭერა მაქვს“, - აცხადებს შოთაძე.
პარლამენტის ადამიანის უფლებათა დაცვისა და იურიდიულ საკითხთა კომიტეტები გაერთიანებულ ფორმატში შოთაძეს 11:00 საათიდან მოუსმენენ, ხოლო ფრაქციები მას ცალ-ცალკე შეხვდებიან.
ქუთაისში, პარლამენტის შენობის წინ სამართალდამცავები არიან მობილიზებული. როგორც „ჯი-ეჩ-ენ“-ის კორესპოდენტი ადგილიდან იუწყება, შენობის წინ ასევე განთავსებულია ე. წ. ბარიკადები.
სამართალდამცავების მობილიზაცია პარლამენტში მთავარი პროკურორობის კანდიდატის, ირაკლი შოთაძის მისვლას უკავშირდება.
ამასთანავე, პარლამენტის შენობასთან „ნაციონალური მოძრაობის“ მხარდამჭერების აქციაც არის დაანონსებული.