პარლამენტის ვიცე-სპიკერი მანანა კობახიძის ფიქრობს, რომ მთავარი პროკურორობის კანდიდატი ირაკლი შოთაძე პასუხისმგებლობას თავს გაართმევს.
როგორც ჟურნალისტებს კობახიძემ განუცხადა, პარლამენტი კანდიდატს ირჩევს და მას მეტ დამოუკიდებლობას სძენს.
დეპუტატი იმედოვნებს, რომ პარლამენტის მიერ გაკეთებული არჩევანი საკმაოდ სწორი იქნება.
„იმედია, ის საქმეები პასუხგაცემული იქნება, რომელიც სამართლიანობის აღდგენას ეხება. ამ გამოწვევებზე პროკურატურის მხრიდან ადეკვატური რეაგირება იქნება და ამ პროცესში ძალიან დიდი მნიშვნელობა მთავარ პროკურორს აქვს. აუცილებელი იქნება - პროფესიული და კვალიფიციური დამოუკიდებელი კადრების მოძიება. მთავარია, რომ პროკურატურამ ყველა გამოწვევას უპასუხოს, რადგან ბევრ საქმეზე გამოძიება ბოლომდე მისული არ არის და დამნაშავე პირები გამოვლენილები არ არიან. ყველა საქმეს 100 პროცენტით ვერცერთი ქვეყნის პროკურატურა ვერ იძიებს, მაგრამ როცა როდესაც ვერ იძიებენ, ამას თავისი მიზეზები აქვს და ეს მოსახლეობისთვის განმარტებული უნდა იყოს“, - განაცხადა კობახიძემ.
პარლამენტი ირაკლი შოთაძის კანდიდატურაზე მიმდინარე კვირას იმსჯელებს.
